O xoves 24 participamos no cross intercolexios organizado por Xogade. Foi unha xornada chea de emoción onde poidemos mostrar non só a nosa resistencia senón tamén o noso espírito de equipo e a nosa enerxía.
As distintas categorías foron testemuñas do esforzo e ilusión dos nosos nenos e nenas que competiron con dignidade e animaron sen descanso aos seus compañeiros. A actitude deportiva, o compañeirismo e as ganas de mellorar fixeron da experiencia algo único.
Queremos felicitar a todos e todas as participantes, que remataron cada carreira coa cabeza ben alta e co orgullo de quen o dá todo. Independentemente dos resultados, cada pequeno paso que demos foi un triunfo para o noso colexio.
