O DÍA DA PAZ
O 30 de xaneiro celébrase o Día da Paz en conmemoración da morte de Mahatma Gandhi, quen foi un defensor incansable pola paz, a non violencia e a xustiza social. Gandhi, coñecido pola súa filosofía de resistencia pacífica, foi asasinado en Nova Delhi o 30 de xaneiro de 1948.
Así que, este día invítanos a reflexionar sobre como podemos contribuír a un mundo máis pacífico, a través das nosas accións diarias.
Conmemorar o Día de la Paz é
fundamental por varias razóns, tanto a nivel individual como colectivo. Debido
a que:
· Promove valores de respecto e tolerancia: celebrar o Día da Paz axuda a recordar a importancia de respectar as diferencias, xa sexan culturais, relixiosas, ideolóxicas, etc. Fomenta unha cultura de tolerancia e empatía de cara aos demais.
· Conciencia sobre os conflitos: o Día da Paz é un momento para reflexionar sobre os conflitos actuais e pasados que afectaron ao mundo. Isto lémbranos a necesidade de traballar de cara a un futuro onde as guerras e os enfrontamentos poidan ser evitados.
· Educación para a paz: este día ofrece unha oportunidade para ensinar sobre a importancia da paz, tanto nas nosas vidas persoais como na sociedade en xeral. Aprender desde pequenos que a paz é un valor esencial contribúe a construír unha xeración máis comprometida coa resolución pacífica dos conflitos.
· Reforza a unión: celebrar a paz fortalece os lazos entre comunidades, países e culturas. A paz no so é a ausencia de guerra, senón tamén o establecemento de relacións construtivas e positivas entre os seres humanos.
· Promove o cambio positivo: a través de actividades como charlas, debates ou proxectos creativos, pódense fomentar ideas que impulsen cambios positivos na sociedade. O Día da Paz é unha oportunidade para inspirar ás persoas a ser axentes de cambio nos seus propios contextos.
· Reflexión sobre a paz interna: ademais da paz exterior, este día tamén invita a reflexionar sobre a paz interna. Promove a importancia do autocoidado, a saúde mental e o manexo das emocións, axudando a crear ambientes máis equilibrados e harmoniosos nas escolas, fogares e comunidades.
· Símbolo de esperanza: nun mundo que ás veces parece estar cheo de conflitos, o Día da Paz sirve como un recordatorio de que a paz é posible. É unha invitación a soñar cun mundo mellor e traballar xuntos para logralo.
Conmemorar o Día da Paz non so
celebra os logros acadados, senón que tamén nos motiva a seguir traballando por
un futuro máis xusto e pacífico para todos e todas.
NO COLEXIO SANTA CRISTINA
A celebración do Día da Paz neste colexio é unha excelente oportunidade para reflexionar sobre o valor da paz e promover a convivencia harmoniosa entre todos. As actividades realizadas foron as seguintes:
- Charlas e reflexións: moitos mestres e mestras organizaron actividades nas súas aulas onde
discutimos o significado da paz, tanto a nivel global como persoal.
Incluímos vídeos, lecturas e escritos en varios idiomas.
- Creación de murais: os estudantes colaboraron na creación de murais, carteis e outros
traballos plásticos con mensaxes de paz, amor e respecto, usando palabras,
debuxos ou símbolos que representaban este concepto.
- Elaboración de pombas da paz: empregamos o símbolo universal da pomba para reforzar esta mensaxe.
- Lectura de poesía: lemos e analizamos diferentes poesías sobre o tema da paz.
- Carreira Solidaria a favor
de “Save the Children”: foi un acto que combinou actividade física e compromiso
social. Organizouse dende o colexio co obxectivo de fomentar a
participación de estudantes, familias e docentes nunha actividade saudable,
mentres se recadan fondos para colaborar con “Save the Children”.
