Hoxe, venres, adiantamos a celebración do Día de Rosalía, que oficialmente é o 23 de febreiro, cun recital moi especial en honra á nosa poeta máis universal.
Recitamos diferentes poemas, afondamos
na súa obra e puxémonos a proba respondendo a esixentes preguntas de
literatura. Falamos de representantes da lingua galega, española e inglesa, e axudáronnos a entender e poñer en valor o noso patrimonio cultural, convertendo esta xornada nunha
auténtica festa da palabra e da identidade.
Porque Rosalía é moito máis que versos e
saudade: é forza, liberdade e un legado que segue a inspirarnos. Xa sabedes,
falamos da nosa Rosalía, a de Cantares Gallegos, non a do tra
tra. A nosa non era cantante, pero se queredes escoitar sobre ela e mesmo
unha versión cantada dun dos seus poemas, convidámosvos a visitar o podcast dos
nenos e nenas de 4º, que co profe Dani renderon unha homenaxe moi especial.
E lembrade: “Quen é libre, nada
pode conter a marcha dos seus pensamentos, e eles son a lei que rexe o seu
destino.” Non
o digo eu… palabra de Rosalía, a de Castro.
