Onte o noso colexio tivo o pracer de recibir a visita dos representantes do UB Balonmán de lavadores de Vigo, un equipo con gran tradición e vínculo coa nosa contorna.
Os rapaces e rapazas de diferentes cursos tiveron a oportiunidade de coñecer máis de preto este apaixoante deporte e aprender da man de profesionais.
Durante esta xornada falouse dos valores do traballo en equipo, a perseveranza e o esforzo, elementos fundamentais para o deporte, para a escola e para a vida. Ademais animaron ao alumnado a participar activamente nas actividades deportivas, destacando a importancia de manter un estilo de vida saudable.
Esta visita foi unha grande oportunidade para achegarnos ao balonmán, un deporte que goza de cada vez máis adeptos na nosa cidade. Agracedemos a UB Lavadores de Vigo a súa xenerosidade e compromiso coa educación nos valores do deporte. Sen dúbida foi un día cheo de aprendizaxes para os nosos rapaces.
